للتجاره استوراد من الصين2014

وعليكم السلام ورحمة الله وبركاته
شف اخوي اذا بتجيب بضاعه من الصين الموضوع سهل في مكاتب تسوي لك كل شي ما عليك الا تروح الصين و تختار بضاعتك وهم يسون لك كل شي و توصل بضاعتك الي عن باب بيتك
وفي الصين يوفرون لك مترجم و يدفعون عنك بدل ما تفتح عتمد
بس صدقني التجار كل شي يجبونه راح تحصله كل شي باقل من السعر الي راح تجيبه من الصين بسبب الكميه الي يخذونها من الصين وعلي فكره تري بعضها تشتريها بالوزن

المهم في البضاعه تميز البضاعه وليس تكلفتها 
احصر علي التميز راح تنجح 

احصر = احرص ....

لاتنزل الصين وتخسر نفسك شحن وغيرة

انزل الميناء بجدة وتحصل جميع انواع الاكسسوارات وخمس الاف تجيب لك انواع كثيرة من الاكسسوارات

كذلك حبيت افيدك فيه مكاتب بالإمارات تستورد لك اللي تبي بأقل الاسعار مع التخليص الجمركي

شوف تبي تستورد من الصين مالك الا مشروعين اللي ربحها دبل ,, أدوات السباكة والكهرباء + اغراض كل شي بريالين وبالذات الملابس ..

يقول احد الشباب حصلت طبلية مغلقة بالميناء الجاف بالرياض بـ 65 الف فيها 20 الف قطعه مو محدده النوع يعني تشتري سكر بموية يقول غامرت واشتريتها يحلف لي بالله يوم فتحها حصل ملابس اطفال اشكال والوان + احذية اكرمكم الله والعاب بسيطة ويقول ربحي فيها لايقل عن 400% ...

الله يوفقك ويرزقك وشد حيلك صدقني بتعين خير

توكل على الله وأبدأ

والرسول عليه الصلاة والسلام قال كل عمل لا يبدأ ببسم الله الرحمن الرحيم يقطع قول بسم الله وتوكل على الله

وبالتوفيق

جزاكم الله خير ونشوف باقي الاخوان

اتفق مع أخوي عبدالله٣٣٣٣   أنا طلعت في شهر ٧ الماضي وتوفقت ولله الحمد تخصصي في القرطاسية.  

شوف ياخوي نصيحه لك الاكسسوارات بشكل عام اخذها من شارع خالد ابن الوليد حقين الجمله رخيصة مره 
وبالنسبه للاجهزة اذا بتجيب كل شكل كذا نوع الجمارك مايسمح لك لازم تسوي سجل تجاري استيراد اجهزة الكترونيه  
لاني اشتري من مواقع صينيه  ومره مسك الجمارك بضاعتي 15 جهاز تابلت وطلعتها بعد التعهد  اذا بجيب ثاني مرة لازم سجل تجاري استيراد اجهزة الكترونيه

وفيه مواقع صينيه  كثيرة بس اكثر تعاملت معاه  www.dhgate.com  هذا اكثر شي  وماشفت شي غير مرضي ونسبه الموقع اعطية 10/10 ويعطيك خيارات للشحن كثيرة ادخل وبتحصلها  
وفيه موقع ثاني توي تعاملت معاه وان شاء الله انه تمام  http://www.aliexpress.com وهذا نفس نظام الموقع الاول بكل شي  

بس قبل تشتري فيه خطوات لازم تسويها  
1/ يكون لديك صندوق بريد وسعره بالسنه 100 ريال 
2/ بطاقه فيزا وانصحك ببطاقه الراجحي تسوق ممتازة جدا 
3/ سجل تجاري استيراد اجهزة الكترونيه وملحقاتها  مصدق من الغرفة التجارية وتسجلها بالجمارك علما ان الجمارك 5% من قيمة الشحن لذلك حاول تخلي البائع يسجل فاتورة للبضاعه بسعر اقل من الحقيقي علشان الجمارك 

واي شي تحتاجة او سؤال انا حاضر 

نسأل الله التوفيق لنا ولكم والمسلمين

والله يباركلك برزقك ويوسع لك فيه

أجتهد وأدي اللي عليك وأخلص النيه وبعون الله بتحصل خير بالصبر

ما عندي خلفيه لكن أبدلوا بدلوي على قولهم

إذا المحل كبدايه وصغير والبضاعه ماراح تكون بكميات كبيره 

أتوقع والعلم عند الله أن الصين ما تصلحلك إلى إذا بتتفق مع أثنين أو ثلاثه من زملاء نشاطك التجاري

الصين بإذن الله بتحصل اللي تبغاه وتنقي درجة الجوده وخياراتك أكثر بكثير من هنا

وكل شيء مهيأ بمجرد أن الواحد ينوي صدقني تتيسر فيه مترجمين بسياراتهم منهم الصيني المتقن العربيه ومنهم العرب المستوطنين هناك

وتخصصهم إستقبال وتنسيق جدوله لحضور الأسواق أو المعارض أو حتى المصانع بس كله مرتبط بالكميه وأتعابهم لا تتجاوز 5%  أو   7%  من المشتريات


وطريقة حسابهم حلوة وأنت عندهم تقرر البضاعه اللي تبغاها وتدفع ثلث القيمه وتستلم الفاتوره 

وتسلم الفواتير للسائق وتتوكل على الله ترجع ديرتك وقرابة ال 20 يوم ولا شهر

يجيك الإتصال من السائق بإكتمال البضاعه وبعدها تحول بقية المبلغ الثلثيين وتنشحن أغراضك

ويفضل أن الواحد قبل يقدم على خطوه يشوف النظام وأيش المسموح واللي مو مسموح


لكن الشحن على ما أعتقد صعبه بالكرتون أغلب تعاملهم هناك بالكنتينر للشحن

وعلى ما أتذكر أن أصغر حجم بالكونتينر 12 قدم وتكلفته واصل إلى هنا قرابة 12،000 غير التخليص الجمركي من عندنا ومو متأكد 100% 

يبغالها واحد يعبي الكونتينر أما يكونوا زملاء نفس المهنه يفرغوا حمولتهم بكونتينر واحد 

حلوه الصين لكن كبدايه بتحصل تجار بالسعوديه يبيعوا بالجمله وأسعارهم كويسه

ونسمع أن الموانئ تقام فيها حراجات كثيره لبضائع تأخر ملاكها عن تحميلها وترتب عليها غرامات تفوق قيمتها فيتركوها وإدارات الموانئ تقيم حراجات لها

وأبحث بالنت عل وعسى تحصل أحد طرح تجربته وإن شاء الله بتلقى